Udaberria heldu da, eta, data hauetan, ekonomia solidarioaren entitateek euren bihotza mahaigaineratzen dute. Eta zelan egiten dute? REAS Euskadiko Auditoria Soziala (AS) urtero betez.

AS, kontu emate eta gizarte-, ingurugiro- eta gobernu oneko inpaktu tresna bat da. Hura betetzen duten entitateek, emaitzak barne-hobekuntzarako erabili ditzakete, eta ekonomia solidarioaren estandar etikoen datu bateratuak edukitzea ahalbidetzen digu. AS-k modu sistematikoan, objektiboan eta eraginkorrean ESSaren 6 printzipioak ebaluatzen ditu: irabazi-politika, demokrazia eta ekitatea, ingurugiro iraunkortasuna, lankidetza, inguruarekiko konpromisoa eta lanaren kalitatea. Laburbilduz: Auditoria Soziala, ekonomia sozial eta solidarioentzat pentsatutako tresna bat da, hurrengo helburuekin sortua:

• Administrazioek eta hiritarrek, entitateak ESSko erakunde legez ezagutzeko.
• Entitateek REAS Euskadiko Merkatu Sozialean parte hartu dezaten ESSa ikusaraziz.
• Entitateek autoebaluazio bat egin dezaten eta euren barne funtzionamendua hobetzeko lan egin dezaten.
• Komunitateari euren baloreak hobeto komunikatzeko.

Aurten, 2019an, Euskadiko ekonomia solidarioaren entitateak, maiatzaren 16tik ekainaren 16ra buru-belarri aritu dira ASren datuak betetzen eta datuak irailean, udaren bueltan, argitaratzeko prest izatea espero dugu.

Baita estatu mailan ere

REAS Red de Redes-en konfederaturik dauden lurralde-sare eta sare sektorial guztiek, datuak batzeko plataforma teknologiko berbera erabiltzen dugu (ensenaelcorazon.org / bihotzaerakutsi.org). Aurtengo edizio honetan, plataforma honen bitartez, ESSko  500 entitatetik gora Auditoria Soziala egingo dutela kalkulatzen dugu (hauetatik 70 inguru euskal-entitateak izango direlarik), horrela, datuak bateratzea eta ESSko datuak lurraldeka eta sektoreka alderatzea ahalbidetuz.

#bihotzaerakutsi #enseñaelcorazón